www.avdet.org

“Avdet” içtimaiy teşkilâtınıñ nevbetteki konferentsiyası 8 dekabr künü Aqmescitte Qırımtatar akademik muzıkalı-drama teatrinde olıp keçti.
Tedbirde teşkilât azalarınan ğayrı Milliy Meclis reisiniñ birinci muavini Refat Çubarov, Milliy Meclisniñ azaları, milliy areket veteranları ve cemaatçılıq. Kün tertibinde dört sual baqıldı.

Акъмесджит шеери, Борчокъракъ (Фонтаны) къасабасында яшагъан къасабамызнынъ аталар шурасынын реиси, милий аракетимизнинъ фааль иштиракчиси Али Алиевич Алиевге онынъ огълу Рустем Алиев апансыздан вефат эткени мунасебетинен терен тазиемизни бильдиремиз. Мерхумнынъ къорантасына, анна-бабасына, сой-акърабасына баш сагълыгъы тилеймиз.
Аллаhнынъ рахметинде олсун!

Bazar künü Temelli qasabasında, Aqmescit rayonı, Qulçuq köyü, Meclis kubogına 4-ünci futbol turniri olıp keçti. Turnirde davet etilgen musafirler arasında rayondevlet memuriyeti yanında gençlik ve sport bölügiñ yolbaşçısı Sergey Rıjov, milletlerara munasebetler bölüginiñ reisi Reşat Arifov, Bağçasaray rayondevlet memuriyetiniñ reisi İlmi Umerov bulundılar.
Komandalarnıñ akemleri Setmer Şalverov, Aleksandr Muha, Mihail Veselovskiy oldılar.

25 sentãbr künü qarasuvbazar stadionında Meclis kubogına futbol turniri olıp keçti. Turnir milliy bayraqnıñ köterilmesinen ve duanen başlandı. Matçta efsaneviy qırımtatar futbolcısı Taşkent ‘Pahtahor’nıñ eñ güzel ucumcısı, Sudaq taqımınıñ treneri Ayder Zeytullayev buluna edi.
Jerep çeküvniñ neticelerine binaen, birinci matçta Aqmescit rayonı ve İslãm-Terek rayon komandaları körüşe, ekinci matrçta Qarasuvbazar-Sudaq, üçüncide iseYedi-Quyu rayonı ve birinci matçnıñ ğalibi körüşecekler.

Bu sefer turnirde şerefli musafirler, şu cümleden Seyitler rayon şurasınıñ reisi, rayom devletmemuriyetiniñ reis muavini, teşkiliy komitetniñ azaları, regional meclislerniñ reisleri bulundılar.
Jerep çekilmesi boyunca İçki rayonı Seyitlernen, Canköy ise Qurman rayonınen oynaycaq.
Futbol turnirniñ baş akemi- II kategoriya akemi Şalverov Emirali, alanda akemler- Roman Şalverov (Curçi),Yevgeniy Parubin(Seyitler), Oleg Martınov (Qurman). Bu matçta İçki ve Seyitler rayon taqımları körüştiler. İlk golnı Seyitler taqımınıñ oyuncısı Reşat Mustafayev kirsetti. İçki komandasınıñ oyuncısı ise Ruşen Kerimov da bir gol kirsetti. Birinci taym 1:1 esabınen yekünlendi.
Ekinci taym ve qoşma vaqıt vaziyetni deñiştirip olamağan soñ, reglament boyunca taqımlar pinalti urmağa mecbur oldılar. İşki rayon taqımı ğalebe qazandı.

9 sentãbr künü Aqmescitte Kebir-camide 3 hafiz taqdirlendi. Suleyman Samedinov, Devlethan Muratov ve Ahmet Asanov imtianlarını tapşırıp, hafiz unvanına nail oldılar.

7 avgust künü Voron köyünde, cami yanında köydeşler körüşüvi olıp keçti. Körüşüvde qomşu Şelen, Ayserez köylerniñ sakinleri, Taşkent, Kazahstandan musafirler bulundılar. Körüşüvniñ teşkilãtçıları bütün iştirakçilerini resmiy qayd ettiler. 2010 senesi doğğan Ahtem Useinov körüşüvniñ eñ yaş, 1926 senesi doğğan Bekirova Melek ise eñ qart iştirakçiler oldılar. Duadan soñ tilimizniñ vaziyeti, köyniñ tarihi kibi mevzular muzakere etildi.

“İ.Gasprinskiy adına QK” QCM hadimleri Muaradasilova Fera-hanımğa elyazma ve arhiv vesiqalar bölügine Ulu Vatan cenki veteranı, milliy areketniñ veteranı, partizan Muradasilov Abduramannıñ (1904-1966) arhiv vesiqalarını teslim etkeni içün büyük minnetdarlıq bildireler.
Abduraman-ağa 1904 senesi aprel 15 künü Bahçisaray rayonınıñ Tav-Badrak köyünde doğdı. Qarasuvbazar sovhozlarında terek pıtamasında çalışa edi, 1930 senesi Aqmescitte partiya mektebinde oqudı, Aqmescit-Aqyar yolunıñ qurucılığında iştirak etken edi, 1937 senesi Aluşta rayonınıñ Küçük-Lambat sanatoriyiniñ müdiri vazifesine tayin etildi. 1941 senesi avgust 18 künü Qızıl orduğa çağırıldı. 4 yıl Qırım ormanlarında partizan olğan edi.

Astana şeerinde (Kazakistan) 2011 senesi 22-30 iyül künleri gençler arasında boks boyunca dünya çempionatında Arsen Ablayev (trenerleri – Rustem Bekirov, Viktor Lasenko) 57 kg kategoriyasında tunç medalni qazandı.
Finalnıñ 1/8’de Arsen 16:9 esabınen belorus boksçı Aleksey Borisovnı yeñdi, 1/4’te – rus sporçısı İlias İsayevni – 13:10, ve yarıfinalda korayalı İn-puo Hondnen tutuşacaq edi.
Yazıq ki, bu tutuşuvda Arsen birincilikni qazanamadı. Neticede 13: 12 esabı ile ğalebeni finalğa çıqqan Hond qazandı, Arsen ise çempionatnıñ tunç ğalibi oldı.
Tasil ve ilim, yaşlar ve sport naziri Vitalina Dzoz qayd etti ki, boks sport çeşiti Qırımda birinci sırad aturmaqta, ve Arsen kösterdi ki, Qırım sportçıları regionımıznı em ukraim, em dünya yarışlarında yüksek seviyede taqdim ete bileler.

Ağımdaki seneniñ 18 iyun künü qırımtatar halqınıñ aqları qorçalavına çıqışta bulunğan Sovet Birliginiñ printsipial uquqqoruyıcılarından biri, akademik Andrey Saharovnıñ ömür arqadaşı Yelena Bonner bu dünyanı terk etti. Bu munasebet ile iyül 28 künü Aqmescitte milliy areket veteranlarınıñ ofisinde belli uquqqoruyıcınıñ hatırasına bağışlanğan körüşüv keçirildi.
Tedbirde milliy areketniñ veteranları iştirak ettiler: Zampira Asanova, Şefiqa Konsul, Veciye Kaşka, Rollan İslâmov, Remiye Yunusova, Ediye Muradasilova ve digerleri. Olarğa Milliy Meclisniñ tış munasebetler bölüginiñ yolbaşçısı Ali Hamzin ve Ukrain milletçiler kongressi Qırım teşkilâtınıñ reisi Vasiliy Ovçaruk qoşuldılar.