www.avdet.org

Ukraina prezedenti yanında qırımtatar halqı temsilciler keñeşiniň reisi,

Ukraina halq deputatına M. Cemilevge
Zaporojye vilâyeti, Melitopol ş., Frunze soq., 94 ev

(tel.8 099 704 84 56) adresinde yaşağan

Pugin Vladimir Nikolayeviçten

Ariza

Men, Pugin Vladimir Nikolayeviç, qırımtatarım, 1937 senesi Qırım ASSR Aluşta rayonı Büyük Lambat köyünde doğdım. 
Men sabıq Sovet Birliginiñ Stalinniñ kommunistik rejimi tarafından 1944 senesi yapılğan qırımtatar halqı sürgünliginiñ şaatıdırım.
18 mayıs 1944 senesi NKVD ordularınıñ mahsus operatsiyalar ketişatında men ve ailemizniñ azaları: Planciyev Asan (1879 s.d.) – qartbabam, Planciyeva Esma (1885 s.d.) – qartanam, Pugina Saya (Sayde) Asanovna (1912 s.d.) – anam, ve ailemizniñ soyları: Seferovlar ailesi, Tohtarovlar ailesi ve Büyük Lambat köyünde yaşağan episi vatandaşlarımız Qırımdan sürgün etildiler. Yol devamında insanlar açlıq ve hastalıqlardan öle edi. Özbek SSRniñ mahsus yerleşüv yerlerinde (Soldatskoye k., Bulungur, Yangiyul) ailemiz yaşamaq içün iç kelişmegen şartlarda yaşadı. Bu yerde, 1945 senesi, 1944 senesinde yaralanğanı neticesinde qartbabam Planciyev Asan öldi.
Mahsus yerleşüv yerlerinde men, aqrabalarım ve bütün vadandaşlarım 1956 senesine qadar sert komendant rejimi şartlarında yaşadıq, onıñ bozuvı içün ise mahkeme işi açıla edi.
4 saifeli, deşetli sürgünlikniñ şahsiy taqdirimden nasıl keçkenini akis etken şaatlığımnı qoşam. Şaatlıqlarımı bu arizanıň bölünmez qısmı olaraq saymağa rica etem.
Yuqarıda aytılğanı esasında, bu kibi cinayetler vatandaşlarıma qarşı tek millet hususiyetlerine köre yapılğanını közde tutıp, rica etem: 
1. Yapılğanlarnıñ Ukraina devleti, dünya cemaatçılığı tarafından qırımtatar halqınıñ genotsidi olaraq qabul etmesi içün tedbirler kompleksini yerine ketirmek.
2. Qırımtatar halqı adından Ukraina devleti ögünde bu cinayetni yapqan şahsiyetlerge qarşı mahkeme işini açması içün çareler tapmaq.

İlâve:
1. 4 saifeli sürgünlik aqqında şaatlıq.
2. Pasportnıñ kopiyası.
3. Arbiy biletniñ kopiyası.
4. Doğum aqqında şeadetname.
5. Sürgünlik aqqında arhiv vesiqası.
6. 11.01.1946 s. S.A.Puginağa berilgen V.N.Puginniñ boynunda olğanı aqqında vesiqa.
7. Starşina N.N.Puginniň cebede 23 mayıs 1942 senesi elâk olğanı aqqında Bulungur arbiy komissariatıniñ beyannamesi.
8. Polişçuk Olga Korneyevnanıñ oğlu V.N. Puginnen aqrabalıqta olğanını tasdıqlağan arizası.