www.avdet.org

Qırımtatar yaşları yıl- yıldan özünde milliy añnı aşlamasınıñ ve faal vanandaşlıq mevamını tasdiqlamasınıñ zarurlığını añlaylar. Bugünde bugün ağır içtimaiy-iqtisadiy vaziyet ve siyasiy stabilsizlikke baqmadan qırımtatar yaşları Qırımda öz halqınıñ milliy muhtariyetiniñ tiklenilmesi ve yaşayışnıñ abadanlaştıruv esnasında faal iştirak etkenleri ayrıca diqqatqa lãyıqtır.
Böyle etip, zemanege uyıp, aynı zamanda da ağır tarihiy sınavlardan keçip olğan halqnıñ keçmişini de unutmaylar. Yaşlar qırımtatar medeniyetiniñ inkişafı yolunda sabit adımlar atmaqtalar. Bundan da ğayrı, qırımtatar yaşları halqara seviyege çıqmağa başladılar.
Böyle etip, yaqında qırımtatar gençlerniñ temsilleri öz avropa ve asiya yaşdaşlarına qırımtatar halqnıñ tarihı aqqında tarif etip, öz medeniyetiniñ zenginligini numayış ettiler. 30 iyünden 7 iyülge qadar qırımtatar yaşları Türkiyede noğay yardımlaşma ve medeniyet cemiyeti tarafından Avropa birliginiñ destegi ile teşkil etilgen seminarda faal iştirak ettiler. Ayrıca seminarda Qırım, Türkiye, Azerbaycan, Gagauziya Cumhuriyeti, Estoniya, Macaristandan yaşlar teşkilãtlarınıñ vekilleri iştirak ettiler. Qırım deligatsıyasını seminarda QHA korrespondenti Dilãra Tabakova, ‘Bizim Qırım’ gençler teşkilãtınıñ vekli Talãt Seytabla, ‘Vatandaşlar cemiyetniñ institutı’ Qırım Cumhuriyet teşkilãtınıñ temsili Adil-Girey Ablãtif, ‘Qardaşlıq’ gençler teşkilãtınıñ vekli Lenera Memet, Qırımtatar Yaşlar merkeziniñ vekli Alime Memet taqdim ettiler.
Avropa ve Asiya memelketleriniñ medeniyetlerinen tanışmaq, bu memelketler temsilleri arasından bağlar qurmaq, zemaneviyatnıñ problemlerini beraberlikte çezmek yollarını seçmek olaraq belgilegen bu seminar eki basamaqtan ibaret edi. 30 iyünden 2 iyülge qadar Malatya şeerinde keçken birinci qısmı yaşlarnıñ Avropanıñ kelecegi aqqında öz baqış ve fikirlerini tarif etilmesinen umumiy kontseptiyanı işlemek içün çeşit tedbirlerni amelge keçirilmesine doğrultılğan edi. Ayrıca, bu maqsatqa yetmek içün yaşlarda liderlik çizgilerini aşlamağa yardım etken treningler keçirilgen edi. Öz nevbetinde ise, iştirakçiler olar taqdim etken teşkilãtlarınıñ faaliyetleri aqqında tarif ettiler. Böyle etip, Qırım delegatsıyası bugünde qırımtatar yaşları qırımatatr halqınıñ medeniy mirası, tarihiy ve maneviy variyetiniñ tiklenilmesinde faal iştirak etkeni aqqında ikãye etti: qırımatatr yaşlarını ana tiline ögretüv leyhaları, festivaller, yaşlar içün seminarlar, kongresslerniñ keçirilmesi. Bundan d ağayrı temsilcilerimiz yaqında Qırımda ilk sefer ötkerilgen Milliy bayraq künü, onıñ maqsat ve neticeleri aqqında tarif ettiler.
Seminarnıñ ilk qısımnıñ soñunda iştirakçiler bu leyhada olar temsil etken medeniyetlerniñ taqdimini keçirdiler. Qırımtatar yaşları ise milliy qadın elbisesini ve Qırım ve qırımtatarlar aqqında slayd-şounı numayış ettiler. Bundan d adağayrı ‘Uçan-su’ ansambliniñ solisti olğan Alime Memet misalsiz ‘Tım- tım’ oyunını icra etip, kimseni pervasız qaldırmadı.
Seminarnıñ ekinci qısmı 3 iyülden 7 iyülge qadar Ankarada ötkerildi. İştirakçile rçün Türkiyede noğaylar cemiyetnıñ başı Celãlletdin Erbay, Gazı Üniversitetniñ yolbaşçıları ile körüşüvler, Ankara boyunca seyahat, Bağçasaraynı añdırğan Beypazar şeeri boyunca kezinti teşkil etilgen edi. Seminarnıñ soñki kününde Türkiye noğaylar cemiyetniñ ve Qırımtatar yardımlaşma ve medeniyet Derneginiñ merkeziy ofis vekilleri ile ‘Samarkand’ adlı etnorestoranında körüşüv keçirildi. Körüşüvde qırımtatar, türk, özbek muzıkası yañğıradı, qırımattar ve noğay milliy oyunları icra etildi.