www.avdet.org

Fregatnıñ ziyaret maqsadı- memleketler flotları arasında bağlarnıñ qaviyleştirilmesi, Ukraina ve Qırımnen tanış oluv, Qırımnen işbirlik inkişafını ögrenüvdir.
14 iyülde Ukrainaki Frenkistannıñ Fevqulade ve Vekãletli elçisi Jan Pol Veziannıñ daveti ile Meclis reisi, Ukraina halq deputatı Mustafa Cemilev ‘Jan de Vyenn’ fregatında olıp keçken ziyafette iştirak etti. Musafirler arasında sabıq naqliyet naziri ve Langedok- Rusiyon regionnıñ reis muavini Jan-Klof Gesso, 2 rang kapitanı Aleksi Viller, Ukrainada mudafaa meseleleri boyunca attaşe, 1 rang kapitanı Loran Emmer, ‘Jan de Vyenn’ geminiñ komandiri, QMC Ukraina Prezidentiniñ daimiy temsil muavini V.Kazarin, Aqyar şeer devlet memüriyetiniñ reisi Valeriy Saratov da bulundılar.
Aynı şu künü fregat eyeti 1941-1942 seneleri Aqyarnı mudafaa etken qaramanlarnıñ abidesine tantanalı şekilde çiçekler qoydılar. 14 iyülde musafirler Frantsıyanıñ milliy bayramı- Bastiliyanı alınma künü qayd etecekler.
15 iyül künü gemi Aqyarnıñ sakinleri ve musafirleriniñ ziyaretleri içün açıldı. 16 iyülde ise ‘Jan de Vyenn’ fregatı Aqyardan çıqıp, Tulon portuna yol aldı.
Malümat: ‘Jan de Vyenn’ fregatınıñ eyeti 230 gemiciden ibaret. Yerleşken yeri- Tulon.