www.avdet.org

23 iyül künü qırımtatar Meclis prezidiumnıñ nevbetteki toplaşuvı olıp keçti. Toplaşuv ketişatında nevbetteki sualler baqıldı:
· 5 qırımtatar Qurultayınıñ 3 sessiyasını azırlav ve keçirüvi boyunca teşkiliy Hızmetiniñ terkibi aqqında;
· Qırım Yuqarı Şurası, yerli şura, köy ve şeer başlarınıñ saylavlarını teşkil etilmesi boyunca Qırımtatar Meclisiniñ Merkeziy Ştabınıñ terkibi aqqında;
· Stalinizm ve natsızm qurbanlarınıñ Umumavropa hatıra kününe bağışlanılğan tedbirler aqqında;
Mezkür meseleler muzakere etilgen soñ 2010 senesi 18 iyülde Qırımtatar meclisi alğan qararlarına binaen 5 qırımtatar Qurultayınıñ 3 sessiyasını azırlav ve keçirüvi boyunca teşkiliy Hızmetiniñ ve Qırım Yuqarı Şurası, yerli şura, köy ve şeer başlarınıñ saylavlarını teşkil etilmesi boyunca Qırımtatar Meclisiniñ Merkeziy Ştabınıñ terkibi belgilendi.
Üçünci sula boyunca qırımtatar yaşlar teşkilãtlarınıñ teşebbüslerine qoltutıp, Stalinizm ve natsızm qurbanlarınıñ Umumavropa hatıra kününe bağışlanılğan tedbirlerni qırımtatar meclisiniñ rehberligi altında keçirmege qarar berildi. Tedbirlerni azırlav ve keçirüvi boyunca bütün işini Meclis Prezidiumnıñ azalarından ibaret gruppağa avale etildi: Zair Smedlãyev, Şevket Qaybullayev, Ali Hamzin.

Qırımtatar Meclis Prezidiumnıñ
Qararı
5 qırımtatar Qurultayınıñ 3 sessiyasını azırlav ve keçirüvi boyunca teşkiliy Hızmetiniñ terkibi aqqında
Qırımtatar meclisi tarafından 2010 senesi 18 iyül künü alınğan ‘5 qırımtatar Qurultayınıñ 3 sessiyasını keçirüvi aqqında’ qararına binaen sessiyanıñ keçirilüvi 2010 senesi 28,29 avgust künlerine belgilep, qırımtatar Meclis Prezidiumı qarar berdi:

1. 5 qırımtatar Qurultayınıñ 3 sessiyasını azırlav ve keçirüvi boyunca teşkiliy Hızmetiniñ böyle terkibini tasdiqlamaq:
Cemilev Mustafa-qırımtatar Meclisiniñ reisi, Teşkiliy hızmetiniñ rehberi,
Cubarov Refat- qırımtatar Meclis reisiniñ birinci muavini, Teşkiliy hızmetiniñ rehber muavini,
İlyasov Remzi- qırımtatar meclis reisiniñ muavini, Teşkiliy hızmetiniñ rehber muavini,
Çiygöz Ahtem- qırımtatar meclis reisiniñ muavini, Teşkiliy hızmetiniñ rehber muavini,
Smedlãyev Zair- qırımtatar Meclisiniñ azası, Teşkiliy Hızmetiniñ azası, - adilseitov Refat-qırımtatar Meclisiniñ azası, Teşkiliy Hızmetiniñ azası,
Asanov Kurtegen- qırımtatar Qurultayınıñ Teftiş komissiyasınıñ reisi, Teşkiliy Hızmetiniñ azası(razılığı ile),
Kacametoca Safure- qırımtatar Meclisiniñ azası, Teşkiliy Hızmetiniñ azası,
Kadırov Sinaver- qırımtatar Meclisiniñ azası, Teşkiliy Hızmetiniñ azası,
Kaybullayev Şevket- qırımtatar Meclisiniñ azası, Teşkiliy Hızmetiniñ azası,
Kubedinov Fevzi- qırımtatar Meclisiniñ azası, Teşkiliy Hızmetiniñ azası,
Kurtumerov Zevcet- qırımtatar Meclisiniñ azası, Teşkiliy Hızmetiniñ azası,
Mamutov Bekir- qırımtatar Meclisiniñ azası, Teşkiliy Hızmetiniñ azası,
Memetov Şevket-qırımtatar Qurultayınıñ delegatı, Teşkiliy Hızmetiniñ azası,
Muslimova Lilã- qırımtatar Qurultayınıñ delegatı, Teşkiliy Hızmetiniñ azası,
Şevkiyev Riza- qırımtatar Qurultayınıñ delegatı, Teşkiliy Hızmetiniñ azası,
Çubarov Elvedin- qırımtatar Qurultayınıñ delegatı, Teşkiliy Hızmetiniñ azası,
Kişveyev Seytislãm- Teşkiliy Hızmetiniñ azası(razılığı ile),
Kurtiyec Refat- Teşkiliy Hızmetiniñ azası(razılığı ile).
2. Teşkiliy Hızmetke 27 iyülge qadar 5 Qırımtatar Qurultayı 3 sessiyasınıñ kün terkibi leyhası boyunca tekliflerni azırlamaq ve olarnı qırımtatar Meclisi tarafından baqılması içün teslim etilmesini avale etmek.

Qırımtatar Meclis Prezidiumnıñ
Qararı
Qırım Yuqarı Şurası, yerli şura, köy ve şeer başlarınıñ saylavlarını teşkil etilmesi boyunca Qırımtatar Meclisiniñ Merkeziy Ştabınıñ terkibi aqqında



Qırımtatar Meclisiniñ 2010 senesi 18 iyülde alinğan qararına binaen
Qırımtatar Meclis prezidiumı qarar berdi:
1. Qırım Yuqarı Şurası, yerli şura, köy ve şeer başlarınıñ saylavlarını teşkil etilmesi boyunca Qırımtatar Meclisiniñ Merkeziy Ştabını teşkil etmek
2. Saylavlar boyunca Merkeziy Ştabınıñ terkibini tasdiqlamaq:
Cubarov Refat- qırımtatar Meclis reisiniñ birinci muavini, saylavlar boyunca Merkeziy Ştabınıñ rehberi,
Smedlãyev Zair- qırımtatar Meclis Kãtipliginiñ reisi, saylavlar boyunca Merkeziy Ştabınıñ rehber muavini,
İlyasov Remzi- qırımtatar Meclis reisiniñ muavini, saylavlar boyunca Merkeziy Ştabınıñ azası,
Pilunskiy Leonid- Narodnıy Ruh Ukrainı Qırım teşkilãtınıñ reisi, saylavlar boyunca Merkeziy Ştabınıñ azası(razılığı ile),
Kaybullayev Şevket- cemaat teşkilãtları ve KHV ile bağlar boyunca Qırımtatar Meclis İdaresiniñ yolbaşçısı, saylavlar boyunca Merkeziy Ştabınıñ azası,
Kurtumerov Zevcet- qırımtatar Meclisiniñ topraq komissiyasınıñ rehberi, saylavlar boyunca Merkeziy Ştabınıñ azası,
Çiygöz Ahtem-qırımtatar Meclis reisiniñ muavini, saylavlar boyunca Merkeziy Ştabınıñ azası.

3. Saylavlar boyunca Merkeziy Ştabına 2010 senesi 26 avgusttan işini başlamaq.