www.avdet.org

Аджылыкъкъа бараджакъларнынъ дикъкъатына

Къырым мусульманлары диний идареси хабер бере ки, агъымдаки 2010 йылында хаджылыкъкъа бармагъа истегенлернинъ весикъалары (документлери) 15 октябрьгедже къабул этиледжек.

Керекли весикъалар:

1 - Энъ аз 6 ай муддети девам этеджек хариджий паспорт,
2 - Менингиттен ашланув сертификаты,
3 - Беяз фонда чекильген ренкли 3*4 эки фотосурет,
4 - 45 яшына кирмеген къадынлар ичюн оларгъа ёлдашлыкъ япкъан эр кишилернен акърабалыкъ якъынлыгъыны косьтерген весикъаларны такъдим этмели.
________________________________________
Медицина справкасы, хастахане я да поликлиникадан берилерек, ресмий акимиет тарафындан тасдикълангъан олмакъ ве оны тапшыргъан кимседе ашагъыдаки хасталыкъларнынъ олмамасыны косьтермек керек:
a. иммунодефицит вирусы (ВИЧ-инфекция)
b. А, В, С гепатит
c. менингит
d. къандалай энцифалити
e. несильден кельме ве юкъунчлы хасталыкълар.
 
Даа зияде бильги ичюн cosmos-ua.com сайтына бакъа билесинъиз.
 
 Бундан гъайры, Къырым мусульманлары диний идаресине мураджаат этменъиз мумкюн:
Акъмесджит ш.
Курчатов с., 4
Тел: 27 43 53