www.avdet.org

Alabaş Qoñrat - böyle etip bizim ecdatlarımız sürgünlikten soñ, Qırımnıñ tamır halqı aqqında er bir hatıranı silmek maqsadınen tez -tez Amurskoye dep adlandırılğan köyüne ayta ediler. 225 yıllığına Amurskoe köyüniñ eski adını qaytardılar. Artıq bu sovet adınen birlikte köyniñ kerçek adı da işlenilmekte. Bu deñiştirüv köy başı Rustem Bekirovnıñ teşebbüsi ile kerçekleşti. Köy deputatları arasında qırımtatarlarnıñ sayısı tek 20 fayızını teşkil etkenine baqmadan, köyniñ adını deñiştirmek qararına kimse qarşı çıqmadı.
Köyniñ adını deñiştirüv esnası bayağı pıtraqlıdır, amma Rustem Bekirov bu işini soñunace yetkizmege niyetindedir. "Köyniñ tarihiy adını qaytaruv - Ukraina Yuqarı Şurasınıñ vazifesidir. Biz böyle qararlarını berip olamaymız. Köyniñ adını qaytarmaq içün başta referendum keçirmek kerek. Soñra onıñ neticeleri Kiyevge Yuqarı Şurağa yollanıla ve endi anda ad deñiştirüv aqqında qarar alına. Biz bu meseleniñ çezilmesine muqaytlıqnen yanaşamız. Adamlar başta yañı adğa alışmaq kerekler. Soñra ise referendumnı keçirmege közde tutamız."
Belki bu Qırımnıñ bütün köylerine tarihiy adlarını qaytaruvınıñ bir başlanuvıdır!?