www.avdet.org

2009 senesi noyabrniñ 11-de Saraylı Qıyat (Mirnoye) köyünde olıp keçken vaqialar ile bağlı matbuat-konferentsiya keçirildi.
Matbuat-konferentsiyanıñ iştirakçileri, şu cümleden Hairov Mustafa (qazalanğan), Hairov İzzet (qazalanğannıñ temsilcisi) ve Lesovoy Aleksandr (qazalanğannıñ advokatı) jurnalistlerni prokuror taqiqiniñ, şimdi ise daa Aqmescitteki Demiryol rayon mahkemesiniñ aqsız, militsiya hadimlerine dair cinaiy işniñ tam, tolu, obyektiv, er taraflı muakeme etüvine keder etken areketlerine şaat etken malümat, faktlar ile tanış ettiler.
Mezkür cinaiy iş cinayet uquq qoruyıcı organlarnıñ hadimleri tarafından yerli sakinlerge qarşı silâ işletilmesinen ve Ukraina vatandaşlarınıñ aman-aman bütün konstitutsion aqlarını, şu cümleden de yaşağan yeriniñ tiyilmemesi ve yaşamaq aqlarınıñ bozuvı ile amelge keçirilgeni içün daima cemaat nezareti altında bulunğanına baqmadan, bugün mahkemeniñ, ihtimal uquqqoruyıcı organlarnıñ tazyıqları altında, bu işni üstünden baqıp çıqmaq niyetleri açıq sezilmekte.
Aqmescitteki Demiryol rayon mahkemesiniñ böyle yanaşmanıñ şaatlarından biri şu ola bile ki, yer alğan 3 oturışından 2-si aqsız olaraq qapalı şekilde keçirildi.
Bundan da ğayrı, qadı mahkeme esnasınıñ iştirakçilerine dair qoşma sualler ‘mahkemeniñ razılığı ile’ qoyulmanı közde tutqan qanunnı saylap qullana. Böyle etip, qadı, İzzet Hairovğa bir qaç kere vaqıtnı masraf etmemek manasında qoşma suallerni bermege ruhset bermedi. Aynı zamanda da, qabaatlanğanlar ve olarnıñ advokatlarına suallerni istegen miqdarda bermege razılıq berildi.
Böyle kibi allar mahkemeniñ adaletinde şübeler doğura, Hairovlar qorantasınıñ aqlarını boza ve zaten butün cemaatçılıqqa qarşı çıqa.

Hairov İzzet