www.avdet.org

Klãynboyhte tatar mezarı tiklenildi.
Leyptsıgten biraz cenüpçe yerleşken Bornau şeerçikte bayır üstünde islam-hristian tarihınıñ başqalardan farq etken medeniy abidesi bulunmaqta. Bu 1813 s. defn etilgen Yusuf Mustafa oğlunıñ mezarıdır. Belki de, defn etilgen soñ bir qaç yıl devamında mında mezarnı tertipke qoymaq içün ‘ uzaq Rusiyeden tuvğan ve dostları kele ediler’. Amma Yusuf poloniya-litva tatarlarından olmaqnıñ da ihtimalı bar. Tek bir şey şubesizdir ki, bu, Napoleon cenki devriniñ sessiz şaatı olğan mezar Klãynboyh sakinleriniñ daimiy diqqatı ve itaatı sayesinde saqlanıldı.

Ket- kete qırımtatar kiyim modasında milliy unsurlar ep populãr olmaqta. ‘Avdet’ modadan artqa qalmayıp, erkek kiyiminde emiyetli yer tutqan urba unsurı-boyunbağlarnıñ milliy örneklerimiznen süslengen seriyasını işledi. Diqqatıñızğa ‘Boyunbağ-Kiyev’ toyluq seriyasından birinci boyunbağını taqdim etemiz.

Modelni Riana Adabaş işlep çıqardı

___________________________________________________

Ali Bekirovnıñ şahsiy sergisi

Bir-birine uymağan şeyler
Teri kurtka – sport ştanları, sport kostümi – klassik ayaqqabı, şort – uzun yeñli kölmek ya da sviter, kostüm ya da palto – sport ayaqqabı. Cedvelni daa çoq devam etmege mümkün.
Ştannıñ yañlış uzunlığı – eñ sıq rastkelgen hata. Bazıda erkeklerniñ közü yaramay körgenini tüşünesiñ. Ştanları ya da yerde sürüleler ya da pek qısqalar. Küzgüge baqıñız. Va daa – ştanlarnı kiyip baqqanda, skemlege oturıp baqıñız. Böyle etip, kerekli uzunlıqnı añlap olursıñız.

Elhamdulillâh! Oña şükür etemiz, Oña sığınamız, Oña işanamız, Ondan doğru yol soraymız.
Şaat etem ki, Allahtan ğayrı ilâh yoq. Şaat etem ki, Muhammed onıñ qulu ve resuli (s.a.s.).
İstesek de, istemesek de, bir informatsion alanındamız. Ve endi KİV’daki yalanlarğa alıştıq. Bunı em radio, em televideniye, em gazatalardan eşitemiz.
Mına elimde “Argumentı i faktı” (04.10.11г. № 39 (790) gazetası, 9-ci saifesini açam ve kene de tanış yalanlarnı körem. Sesli serlevalar: “Ben Ladenniñ canlanması”, “Arap baari” deşetli filmlerge çevirildiler. Maqaleniñ merkezinde saqallı erkekniñ fotosı, bağıra ve yumruqlarını sallay. Foto tübünde yazı – “islam yüzlü demokratiya”. “Antiislam” malümatı degilmi?

Mustafa Cemilev ‘Türk dünyasına hizmet içün’ mukãfatına nail oldı
Qırımtatar lideri, belli huquqqoruyıcı Mustafa Cemilev Türkiye yazıcıları ve sanat erbapları cemiyeti tarafından ‘Türk dünyasına hızmet içün’ mukãfatı ile taqdirlendi. Türkiyede Cemilevniñ qırımtatar meselelerini zorbalıqsız çezilmesi boyunca ğayeleri ve qardaş halqlarnıñ işbirligi boyunca teşebbüslerine yüksek qıymet kesildi.
Mukãfat laureatlarnı tayin etüvi boyunca komissiyanıñ toplaşuvında 2010 senesi mukãfatını qırımtatar Milliy Meclisiniñ reisi, Ukraina halq deputatı Mustafa Cemilevge bermege itirazsız qarar berildi.

Qırım ve Litva müftiyatları işbirlik quracaqlar
 Litvada Qırımtatar Milliy Meclisiniñ temsili, litva tatarlar cemiyetler Birliginiñ reisi doktor Adas Yakubauskas 21 sentãbrde Aqmescitte Qırım müsülmanlar müftisi haci Emirali Ablayevge Litva müftiyatınen işbirlik aqqında añlaşmanı imzalamağa teklif etti. Qırım müftisi teklifni qabul etip, böyle kibi añlşamalarnıñ imzalanması Poloniya, Latviya, Belorusiye müfityatlarınen közde tutula.

Bulğanaq Badraq köy şurasınıñ(Bulğanaq Badraq, Ağaç- Eli, Qoyaş, Demyanovka köyleri) üç bucuq biñ ealisinden doquz yüzü- qırımtatarlardır.
Añılğan köy sakinleriniñ menfaatlarını 20 deputat, olardan 5 qırımtatarı taqdim eteler.
Vorobyova Elvira
İslãmov Remzi
Kubedinov Elvir
Laguyev Nariman
Suleymanova Hatice

14 sentãbrde Sarı Suv miliy mektep binasında olıp keçken Qarasuvbazar regional meclisiniñ toplaşuvında Qırımtatar Milliy Meclis reisi Mustafa Cemilev de iştirak etti.
Qarasuvbazar regional meclis reisi Mustafa Asabanıñ aytqanına köre toplaşuvnıñ esas suallerinden -regional ve yerli meclisleriniñ faaliyetlerini talil etmek ve Meclis kubogına futbol boyunca çempionatına azırlıq çerçivesinde futbol matçnıñ keçirilmesini muzakere etmek kibi meseleler oldı.

Qırım medeniy mirasını qoruv boyunca cumhuriyet komitetniñ reisi Sergey Tur Aqmescit şeer başı Viktor Ageyevge şeerniñ peyda oluv tarihını yañıdan baqıp çıqmaq ricası ile mektüp yolladı.
‘Segodnã’ (‘Bugün’) gazetasınıñ malümatlarına binaen, Tur şeerniñ peyda oluv tarihını milãdımızdan evel 185 senesini saymağa teklif ete. Aynı bu tarihte skif devletiniñ paytahtı- Niapol Skifskiy meydanğa ketirilgen edi.